Worüm eenich nich?

Moin!

Auch im April gibt’s wieder einen plattdeutschen Artikel. Die Übersetzung für die nicht-platten Leser kommt wie immer ein paar Tage später. Viel Spaß beim Lesen!


Hebbt ji dat al höört? Dat gifft een niegen Trend, de is so „hot“, datt in de Lodens ganze Regolreegen leddig sünd und de Fobrikanten ihn ehrn Fabriken Överstunden fohren möten wiel de Nofroge so groot is. Dat Gediegene doran is: Do bruukst du keen’n Händi föör, keen Smartphone, keen Tablet – rein gor nix, dat mit Technik to dohn hat. Dat geiht alln’s so as freuher vun uns eegen Hand.

Ik mutt jo togeven, datt ik in’n ersten Moment kichert musst, as ik höört heff, wat dat föör een Trend dat is: Utmalbeukers föör Utwassene!

Ober dann heff ik nodacht. De groote Diseuse Georgette Dee hett mol in een vun ehr Programmen seggt, datt se, je öller se weert, jümmers appeldwatscher dröp is, wenn dat um Romantik geiht. Se hett seggt, datt mannigmol een eeniges Wort so as „Teetasse“ genug is, um ehr anrögt snuckern to loten. Ik glööv, in dat Öller, wo een Wort ode een Satz genug is, um Traanen in diene Oogen to bringen, bin ik nu ook ankamen.

Annerendogs heff ik de Levenserinnerungen vun Heidi Kabel lesen. Manchmal war es nicht zum Lachen heeten die, un dat is ook weerklich so. Wi all denkt jo meest „Se is jümmers so lustig op de Bühne vun’t Ohnsorg Theoter wesen“, dat wi gor nich doran dinkt, datt so’n Privatleven mannigmol ganz anners sien kunn. Gerode düsse Generation, die beide Weltkriege mitmookt hett.

In een Kapitel hett Heidi Kabel vun’t Ende vun den tweeten Weltkrieg vertellt. Een poor Weken loter is se to’n ersten Mol wedder in’t Kino wesen un hett de Film Große Freiheit Nr. 7 mit Hans Albers ankiekt. Dorbi hebben alle in den Sol een Hamburg sehen, dat gor nich mehr dowesen is. Butendöörs hebben neemich de Trümmers vun de letzte Bombenangriffe töövt.

Alleen dorvun, as Heidi Kabel dat beschreven hett, is mi mien T-Shirt bannig ing um’t Hart worrn. Ober denn is ook no düsse eene Satz kamen: „Wenn Hans Albers am Schluss dieses Films das weltbekannte Lied La Paloma sang, weinten die Hamburger im Parkett und keiner schämte sich deswegen.“

Do heff ik blarrn möten. So een Geföhl vun Gemeenschap, wat tohoop beleven und döörmoken – dat kennt wi in düsse Tiet, in de wie jüst leven, do gor nicht mehr. Wi hebbt uns so vun de Technik infangen loten, datt wie de lütten minschlichen Dinge vergeten un verdrängt hebben. Wi verloten uns op dat, wat wi in’t Internet lesen. Ober wi schnackt nich mehr richtig miteenanner – so von Mund to Mund. Weil wi mit so veele Lüüd bi Facebook, WhatsApp un wat weet ik nich alln’s „verlinkt“ sünd, glöövt wi, datt wi ook veele Frünnen hebben. Ober in Wohrheit mookt düsse heele Technikschiet uns oft alleen. Ganz aasig alleen. Ook wiel wi verlernt hebben, wat mit uns eegen Hand to moken. Wokeen vun jo hett eenich toletzt mol’n Breef nich mit’n Computer, sünnern mit een Füllfederhalter schreven?

Dorüm heff ik no dat erste Kichern över de Utmalbeukers föör Utwassene ook dacht: Worüm eenich nich? Du hesst do swatt op witt een Vorlaag, un denn nimmst du di ’n poor Buntstiftens un mookst dorut dat scheunste bunte Bild. Du musst di konzentreeren, kunnst ober gliektitet lotsloten, hesst keen Tied föör leddiget Gelober bi Facebook, un du kriggst nich mol mit, wat in dat Lobotomie-TV bi RTL Twee un Consorten löppt. Ober du mookst mol wedder wat ganz vun dien eegen Hand, dien Bregen weert bileten ’n böten freier un di worrt viellich ook wedder klorer, wat weerklich wichtig in’t Leven is.

Klor, du büst dorbi jümmers noch alleen in dien Döns, dorüm bün ik nich so naiv to glööven, datt Utmalbeukers alleen uns wedder to een beteres Gemeenschapsgeföhl bringen schall’n. Ober elke Weg fangt mit den eersten Schreed an.


 

Hest du dat goot lieden mucht? / Hat’s dir gefallen?

Mehr op Platt gifft dat / Mehr auf Platt gibt’s > hier

 

Advertisements

4 Antworten auf “Worüm eenich nich?”

Püttscher mit!

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s