Sommerdroom

Moin!

Der Monat ist schon fast halb rum – langsam wird’s Zeit für den allmonatlichen Artikel op Platt (die hochdeutsche Fassung wird wie immer nachgereicht). Bannig veel Freid dormit!


Dat gifft Momente in’t Leeven, die sünd jichtenswie magisch. Do kummt een flüchtigen Duft to’n Fenster rin, un op eenmol sitzt du twors jümmers no in dien grauet Kontor, ober du feuhlst di wi an een ganz bestimmten Sommerdog bi ’n scheunet Stück Erdbeertorte und ’n feinen Tass Kaffee in Tante Selma ehrn lütten Gorten. Dat is viellich al dörtig Johrn her, ober du hest düssen een Dog nüms vergeten, wiel he wat ganz besünneres wesen is. Dien Lieblingsunkel hett di’n Överraschung mitbrook ode sowat. Un in düssen eenen magischen Moment geiht di dat so goot as lang nich mehr.

So wat heff ik jüst erst al wedder beleevt. Un dat is nich blots een magischen Moment wesen, sünnern glieks een ganze magische Week!

Vorletzten Dünnerdog is jo passend to’t lange Weekenenn de echte Freuhling in’t Land kamen – dat Thermometer het bi uns glieks an’n eersten Dog mehr als 22° wiesen. Düsse Gelegenheit heff ik sofort nutzt. Mien Leevlingssessel rut op’n Balkon stellt, ’n grote Kann Kaffee op’n Tisch un natüürlich een ode twee gode Beukers dorbi.

(Dat is een vun de grote Nachdeels bi so gootet Wedder an een langet Weekenenn: In veer Dogens heff ik mi dor mehr Beukers fräst als sünst in veer Weken, un dat Fach in mien Beukerschapp mit de Noch zu lesen-Beukers is fix leerer worrn, ober dat men jüst nebenbi!)

Un as ik dor so sitz, rükt dat op eenmool. Ik kunn gor nich seggen no wat, ober op eenmol heff ik nich mehr op uns Balkon mitten im Pott setten. Nu is dat een Morgen in uns ole Ferienwohnung an de Ostsee weesen, un ik heff genau wüsst: Glieks kommt Oma mit de frischen Rundstücke vun Uwe (de Baas vun den lütten Levensmittelhöker dree Häuser wieter längs) om de Eck. Dorbi is Oma siet meist söss Johren nich mehr bi uns

Ji kennt dat bestimmt ook – dor, wo du Urlaub mookst is’n ganz andere Atmosphäre. Ik meen, du büst nicht blots entspannt, wiel du ut dien üblichen Alldog rut büst. „In der Ferne leuchten andere Sterne“ heff ik mol lesen, un dat stimmt. Un nich blots de Sterne sünd anners – nee, de ganze Himmel kummt een jichtenswie heuher vöör, sien Blau is al blauer, de Luft is weeker, sölvs de Geräusche sünd ganz anners und so wieter. Is jo ook normol – an de Ostsee is dat anners as in de Toskana, Berlin ode eben im Pott. Dat is sogor anners as in Hamborg.

Jüst so is dat nich blots in diesen ersten Moment op mien Balkon wesen. Nee, dat hett de ganze Tiet mit dat scheune Wedder anhalten. Een Windhauch hett mi streift – zack! – heff mit mien Söster op den Minigolfplatz vun Froo Krüper stunnen. Ik heff een Fohrrodkette schnarren hört un ik bün överzeugt wesen, datt Froo Bruhn kamen is um uns niege Trockendökers föör dee Köök to bringen.

De ganze Week över is jeden Dog wat passeert, dat mi an de Johren in uns ole Ferienwohnung an de Ostsee erinnert hett. Sogor vendoog noch as ik to’n Joggen gangen bün. De Wetterpoggens in den Glotzkasten hebben jo seggt, datt dat nu erstmol vorbi sien schall mit dat goote Wedder. Dorüm is dat föör mi gor keen Wunner wesen, as sik de ganze Morgen vendoog anfeuhlt hett as de Dog domols, wenn wi unsen ganzen Krom packt hebben un vun de Ostsee wedder no Huus fohren sünd: Allet is jichtenswie leiser wesen, de Veugels hebbt weniger sungen, de Meuwen hebben weniger schrien, de Wellen vun de Ostsee sünd wat sinniger op den Strand lopen un so wieter – jüst so, as ob se mi seggen wullen: „Wi wullen di dat nich ook noch so ünner de Nees rieben, datt du uns nu verloten müsst.“ Dat is traurig wesen, ober liekers ook scheun, denn ik heff jo wüsst: Ik kumm wedder!

Un so hett sik dat vorhin ook anfeuhlt.

Is dat nu mien bleuhende Phantasie wesen oder hett mien „Psyche“ mi blots ’n Streich speelt, weil Petrus dat endlich goot mit uns meent hett? Weet ik nich. Will ik ook gor nich weeten.

Dat Leven is een Danzdeel. Wenn du wat höörst, dat di gefallt, dann dink nich doröver no. Danz eenfach.

 


 

Hest du dat goot lieden mucht? / Hat’s dir gefallen?

Mehr op Platt gifft dat / Mehr auf Platt gibt’s > hier

Advertisements

2 Antworten auf “Sommerdroom”

  1. Dat haste scheun vertellt! Dat is keen Phantasie ween. Dat is Omma wes, von boben hat se di de Sünn schickt und wullt hat, datt ju an se dinkst ❤ Dat muck de Hart worm, un Grodmudders weet sowat.
    Dordrann glööv ick! Nix in Leeven passeert ihle Grund! Uck de Sünnschien schall us wat vertellen.
    Un nu weetst ju uck, warum ick elg Doog an Strand bin. Dor bin ick opwussen. Also nich hier, aver an een annern. Un dor kunn ick dit Gefööl afropen 🙂

    Gefällt 2 Personen

Püttscher mit!

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s