Slechtet Timing

Nu‘ is se also döör’n Bunnesdog döör – de Ehe föör all. No dat Meenen van de Politikbekiekers is dat bi de Afstimmung an’n lotern Freedag jo ook gor nich mehr dorüm gangen, datt de Mehrheit tostann kummt, sünnern blots no, wo hoch se utfallt. Un dat is denn jo ook wunnersom hoch wesen mit  ’n ganzen Barg Stimmen ut’n Loger vun de CDU. Sogor ut de CSU sünd ’n poor „Jo“-Stimmen kamen.

Dat is alln’s no nich in dröög Döökers, wiel jo schon so’n poor Lüüd vun vöörgestern seggt hebben, datt se no Karlsruhe domit wullen, ober ick glööv: Weerklich opholn kunn dat keeneen mehr. Un dat is goot so!

Liekers feuhl ik mi dor ’n böten wat överrummelt wegen. Also, över düssen Beschluss an sik frei ik mi notüürlich as’n Sneekönig. Ober dat Timing is so bannig dösig.

In de lotern drie Johren heff ik neemich an’n dredde Story mit mien twee Jungs Holger un Christoph vun dat scheune Insel Fehmarn schreeven. Dat hett düssetmol bannig lang duuert, bit mi wat to jüm einfallen is. Dorut is toerst blots ’n Kurzgeschicht worrn, womit ik nich so ganz glücklich weesen bin. Ober dann hett dat ’n bannig fien’n Snack mit den Wirt vun mien Leevlingscafé geven, wo wi doröver philosopheert hebben, wann een Minsch eenich richtig un weerklich utwussen is. Op eenmol heff ik wusst, woröver ik schrieven wullt! Un nu is dat doch endlich en vullen Roman worrn, mit den ik ook ganz tofreeden bün.

In’t Johr 2012 speelt düsse niege Roman, un de beeden Jungs wüllt heiroden. Nojo, nich‘ dat echte Heiroden – dat gääv dat domols jo nicht.

Un dat is de Knackpunkt: Außer to’n (höpenlich) vergnöögten Vertellen, wo düsse twee Chaoten ehr „Jo“-Wort planen un wat dorbi alln’s scheefgeiht, heff ik de Gelegenheit natüürlich nutzt, um de Saak mit de „Eingetragene Lebenspartnerschaft“ mol ’n beten wat näher to bekieken. Wat doran goot is, wat doarn slecht is un woorüm dat so wichtig is, datt de Ehe föör alle gleich sien mutt.

Ik bin nu fast döör mit dat Schrieven – blots veer Kapitels no, die dat ganze Kuddelmuddel vun vöörher opdröseln un dat Vertellen to Enn bringen.

Un op een mal – in men jüst veerteihn Dogen, siet de Grünen as erste Partei seggt hebben, datt dat in’n September no de Bunnesdogswohl blots dann ’n Koalition met ennen gifft, wenn de Ehe föör all kamt – is de Politik fixer as de Schall un ik mutt den ganzen Krom nomol ümschrieven, domit dat beter to de geännerte Verhältnisse vun 30. Juni 2017 passt.

Ober schall ik jo wat seggen?

Dat gifft nix, wat ik leever dohn wöör!

Advertisements

Püttscher mit!

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s