Hitt ode kolt?

Worm in de lotern Tiet, ode? Mannig een schient dat dorvun bannig in sien Bregen to kriegen. Vorhin is in de Strotenbohn een blang mi to setten kamen un hett dorbi Rudi Carrells Wann wird’s mal wieder richtig Sommer sungen. Bi sössundörtig Grod butendörs – ik will gor nich weten, welche Temperatur wi in den Bohn utsetzt wesen sünd! To sien eegen Glück is he no een Station wedder utstiegen, denn de anneren Lüüd in’n Zug hefft in Gedanken schon anfangen, dat Lynchkommando optostellen.

Op de anneren Siet kann man dat ja verstehen. De Hitt mookt bileten nu ook de Lüüt ganz verröckt, de sünst ganz got dormit torecht kummt. Wi sünd all ’n böten wat neben de Spoor.

An’n meesten schient dat op de Wetterpoggens to passen. Bi jeedeen Wetterbericht in’n Glotzschapp düsser Doge schnackt se vun’n Klimawandel. Nu sünd ji un ik nich so dösig as de geldgeilen Dösköppen ut Politik un Wirtschap de seggen datt de Klimawandel blots ’n Erfinnung to’n Schaden von vun de Globalisierung is, ode? Wi all sünd uns eenig: Klimawandel is real!

Liekers kumm ik mi mannigmol verarscht vor wenn ik no den Wetterbericht luster. Se seggt denn neemich sowat as: „Der Klimawandel ist da. An extrem heiße Sommer mit langen Hitzeperioden ohne nennenswerte Regenfälle über mehrere Wochen hinweg werden wir uns gewöhnen müssen. Das wird von der Ausnahme zur Regel werden.“

Is doch gediegen ode? Ik meent, dinkt mol all an de Sommer vun’t lotern Johr torüch. De is kolt un unkommodig wesen un is mit veel toveel Regen kamen. Dor hefft de Wetterpoggens denn seggt: „Der Klimawandel ist da. An extrem kühle Sommer mit langen kalten Perioden ohne und mit starken Regenfällen über mehrere Wochen hinweg werden wir uns gewöhnen müssen. Das wird von der Ausnahme zur Regel werden.“

JA, WAT DENN NU?

Advertisements